Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 147-1} āṟu alla moḻi tōṟṟi aṟa viṉai kalakkiya
• {KALI 147-2} tēṟukaḷ naṟavu uṇṭār mayakkam pōl kāmam
• {KALI 147-3} vēṟu oru pāṟṟu āṉatu kol ō cīṟu aṭi
• {KALI 147-4} cilampu ārppa iyaliyāḷ ivaḷ maṉ ō iṉi maṉṉum
• {KALI 147-5} pulampu ūra pulleṉṟa vaṉappiṉāḷ vilaṅku āka
• {KALI 147-6} vēl nuti uṟa nōkki veyil uṟa urukum taṉ
• {KALI 147-7} tōḷ nalam uṇṭāṉai keṭuttāḷ pōl teruvil paṭṭu
• {KALI 147-8} ūṇ yātu um ilaḷ āki uyiriṉum ciṟanta taṉ
• {KALI 147-9} nāṇ yātu um ilaḷ āki nakutal um nakūum āṅku ē
• {KALI 147-10} peṇmai um ilaḷ āki aḻutal um aḻūum tōḻi ōr
• {KALI 147-11} oḷ nutal uṟṟatu uḻai ceṉṟu kēḷāmō
• {KALI 147-12} ivar yāvar ēmuṟṟār kaṇṭīr ō ōo
• {KALI 147-13} amaiyum tavaṟilīr maṉ kol ō nakaiyiṉ
• {KALI 147-14} mikka taṉ kāmam um oṉṟu eṉpa am mā
• {KALI 147-15} putu nalam pū vāṭi aṟṟu tām vīḻvār
• {KALI 147-16} mati maruḷa nīttakkaṭai
• {KALI 147-17} eṉṉai ē mūci katumeṉa nōkkaṉmiṉ vantu
• {KALI 147-18} kalaiiya kaṇ puruvam tōḷ nucuppu ēer
• {KALI 147-19} cila maḻai pōl tāḻntu iruṇṭa kūntal avaṟṟai
• {KALI 147-20} vilai vaḷam māṟa aṟiyātu oruvaṉ
• {KALI 147-21} valai akappaṭṭatu eṉ neñcu
• {KALI 147-22} vāḻiya kēḷir
• {KALI 147-23} pala um cūḷ tēṟṟi teḷittavaṉ eṉṉai
• {KALI 147-24} mulai iṭai vāṅki muyaṅkiṉaṉ nītta
• {KALI 147-25} kolaivaṉai kāṇēṉ kol yāṉ
• {KALI 147-26} kāṇiṉum eṉṉai aṟitir katir paṟṟi
• {KALI 147-27} āṅku etir nōkkuvaṉ ñāyiṟu ē em kēḷvaṉ
• {KALI 147-28} yāṅku uḷaṉ āyiṉum kāṭṭīmō kāṭṭāyēl
• {KALI 147-29} vāṉattu evaṉ ceyti nī
• {KALI 147-30} ār iruḷ nīkkum vicumiṉ mati pōla
• {KALI 147-31} nīr uḷ um tōṉṟuti ñāyiṟu ē a vaḻi
• {KALI 147-32} tērai tiṉappaṭal ōmpu
• {KALI 147-33} nalkā oruvaṉai nāṭi yāṉ koḷvaṉai
• {KALI 147-34} pal katir cāmpi pakal oḻiya paṭṭīmō
• {KALI 147-35} cel katir ñāyiṟu ē nī
• {KALI 147-36} aṟāal iṉṟu ari muṉkai koṭkum
• {KALI 147-37} paṟāa paruntiṉ kaṇ paṟṟi puṇarntāṉ
• {KALI 147-38} kaṟāa erumaiya kāṭu iṟantāṉ kol ō
• {KALI 147-39} uṟāa takai ceytu i ūr uḷḷāṉ kol ō
• {KALI 147-40} ceṟāatu uḷaṉ āyiṉ koḷvēṉ avaṉai
• {KALI 147-41} peṟāatu yāṉ nōvēṉ avaṉai eṉ kāṭṭi
• {KALI 147-42} cuṟāa koṭiyāṉ koṭumaiyai nī um
• {KALI 147-43} uṟāa araica niṉ ōlai kaṇ koṇṭī
• {KALI 147-44} maṟāa araica niṉ mālai um vantaṉṟu
• {KALI 147-45} aṟāa taṇika i nōy
• {KALI 147-46} taṉ neñcu oruvaṟku iṉaivittal yāvarkku um
• {KALI 147-47} aṉṉa ō kāma niṉ ampu
• {KALI 147-48} kaiyāṟu ceytāṉai kāṇiṉ kaluḻ kaṇṇāl
• {KALI 147-49} paiyeṉa nōkkuvēṉ tāḻ tāṉai paṟṟuvēṉ
• {KALI 147-50} aiyam koṇṭu eṉṉai aṟiyāṉ viṭuvāṉ ēl
• {KALI 147-51} oyyeṉa pūcal iṭuvēṉ maṉ yāṉ avaṉai
• {KALI 147-52} mey āka kaḷvaṉ ō eṉṟu
• {KALI 147-53} viṉavaṉmiṉ ūravir eṉṉai e ñāṉṟu um
• {KALI 147-54} maṭāa naṟavu uṇṭār pōla maruḷa
• {KALI 147-55} viṭāatu uyiroṭu kūṭiṟṟu eṉ uṇ kaṇ
• {KALI 147-56} paṭāamai ceytāṉ toṭarpu
• {KALI 147-57} kaṉaviṉāṉ kāṇiya kaṇpaṭā āyiṉ
• {KALI 147-58} naṉaviṉāṉ ñāyiṟu ē kāṭṭāy nī āyiṉ
• {KALI 147-59} paṉai īṉṟa mā ūrntu avaṉ vara kāmaṉ
• {KALI 147-60} kaṇai irappēṉ kāl pullikkoṇṭu
• {KALI 147-61} eṉa āṅku
• {KALI 147-62} kaṇ iṉaipu kaluḻpu ēṅkiṉaḷ
• {KALI 147-63} tōḷ ñekiḻpu vaḷai nekiḻntaṉaḷ
• {KALI 147-64} aṉṉai ō ellīrum kāṇmiṉ maṭavaral
• {KALI 147-65} mel naṭai pēṭai tuṉai tara taṉ cērnta
• {KALI 147-66} aṉṉa vāṉ cēval puṇarcci pōl oḷ nutal
• {KALI 147-67} kātalaṉ maṉṟa avaṉai vara kaṇṭu āṅku
• {KALI 147-68} āḻ tuyaram ellām maṟantaṉaḷ pētai
• {KALI 147-69} nakai oḻintu nāṇu mey niṟpa iṟaiñci
• {KALI 147-70} takai āka taiyalāḷ cērntāḷ nakai āka
• {KALI 147-71} nal eḻil mārpaṉ akattu